مقامات افغان میگویند، طی یک حمله بر یک ساختمان دولتی در قندهار، ۹ نفر به شمول ۵ پولیس کشته شده است.
مقامات میگویند، یک بم گزار انتحاری بروز دوشنبه وارد یک ساختمان دولتی شده و مواد نصب شده در بدن خود را منفجر ساخت. درین حمله ۶ نفر مجروح شدند.
خبرنگاران در محل میگویند، عساکر کانادایی و افغان بصورت فوری ساختمان را محاصره کردند.
قندهار پایگاه قوی شورش در حال افزایش طالبان شمرده میشود.
در یک خبر دیگر، مقامات افغان میگویند، ۵ تندرو بروز دوشنبه در هنگامیکه بم های کنار جاده را در ولایت خوست جابجا میکردند، کشته شدند.
همچنان انفجار یک بم کنار جاده یک عراده پولیس را در ولایت پکتیکا تخریب نموده و سه عسکر را کشت.
رابرت گیتس، وزیر دفاع ایالات متحده بروز یکشنبه به تلویزیون فاکس گفت، ایالات متحده باید توانایی طالبان را خنثی ساخته و اردو و پولیس افغانستان را تقویت نماید.