لینک های دسترسی

Breaking News

رهایی محبوسین افغان از زندان ترکمنستان


رهایی محبوسین افغان از زندان ترکمنستان
رهایی محبوسین افغان از زندان ترکمنستان

وزارت خارجۀ افغانستان با نشر اعلامیه یی از رهایی پنج افغان که در زندان ترکمنستان بسر میبردند خبر داد.

بیانیه مطبوعاتی وزارت خارجۀ افغانستان مشعر است که نظر به فرمان رییس جمهور آن کشور زندانیان افغان به مناسبت پانزدهمین سالگرد بیطرفی جمهوری ترکمنستان مورد عفو قرار گرفتند.

این پنج تن ساکنین ولسوالی قیصار ولایت فاریاب بوده که به تاریخ 24 نوامبرسال 2005 میلادی به اتهام عبور مسلحانه غیر قانونی از سرحد، از سوی ارگان‌های امنیتی ترکمنستان توقیف و هر یک به نه سال حبس محکوم گردیده بودند.

طبق یک خبر دیگر، سال گذشته نیزاتباع افغان که در زندان‌های کشور های خارجی به ویژه تاجکستان در حبس به سر می‌بردند، جهت سپری کردن باقی قید شان به کشور انتقال داده شده بودند.

XS
SM
MD
LG