لینک های دسترسی

گردهمایی سراسری جوانان افغان در کابل


جوانان از دولت خواستند تا زمینه کار را برای شان در ادارات دولتی فراهم نماید.

جوانان از دولت خواستند تا زمینه کار را برای شان در ادارات دولتی فراهم نماید.

جوانان نهادهای مدنی ۲۵ ولایت افغانستان امروز در شهر کابل گردهم آمدند و مشکلات فراروی جوانان را بررسی نمودند.

عکس های گردهمایی جوانان را ببینید

در نشست امروزی جوانان نهادهای مدنی که به گفته گردانندگان آن ٤۰۰ تن از جوانان ۲۵ ولایت افغانستان گرد هم آمدند و آنها در مورد بیکاری جوانان، اعتیاد روز افزون جوانان به مواد مخدر، راه نیافتن جوانان به مراکز تحصیلات عالی، از جمله مشکلاتی بود که آن را مورد بحث قرار داند و از دولت خواهان رسیدگی به مشکلات یادشده گردیدند.

عبدالجامع جامع، عضو شورای ولایتی غزنی و رئیس اتحایه سرتاسری نهادهای مدنی جوانان افغانستان، در مورد هدف گردهمایی امروزی جوانان به رادیو آشنا صدای امریکا گفت جوانان نهادهای مدنی، از جامعه جهانی، نیروهای ناتو، افغان و مخالفین دولت خواستند که جلو تلفات ملکی را بگیرند.

گردهمایی سراسری جوانان افغان در کابل

گردهمایی سراسری جوانان افغان در کابل

او گفت آنها از دولت افغانستان خواستند که ادارات دولتی را از وجود افراد فاسد پاکسازی نماید، و به جوانان در ادارات دولتی زمینه کار را فراهم نماید.

جوانان در این گردهمایی از دولت افغانستان و شواری عالی صلح نیز خواستند که در روند مصالحه، به جوانان نیز فرصت داده شود، تا تلاش های صلح به کامیابی نایل گردد.

به گفته مسؤولین نهادهای مدنی جوانان افغانستان، در آینده نزدیک جلسات بعدی خویش را در ولایات افغانستان برگزار می نمایند و در ضمن برای وحدت هر چه بیشتر جوانان در سطح ولایات نیز دفاتر نهاد مدنی سرتاسری جوانان افغانستان را ایجاد می نمایند.

XS
SM
MD
LG