تعداد زیادی از اراکین دولت افغانستان، اعضای جمعیت اسلامی افغانستان و مردم شهر کابل امروز در مقابل منزل استاد ربانی گردهم آمده بودند و به فامیل برهان الدین ربانی اظهار تسلیت نمودند و در ضمن در مراسم دعا خوانی اشتراک نمودند.
مردم در شهر کابل میگویند کشته شدن استاد برهان الدین ربانی رئیس شورای عالی صلح افغانستان تلاش های صلح را در کشور شدیدا به کندی مواجه خواهد نمود.
آنها میگویند ترورر و کشتار رجال برجسته دولت افغانستان باعث بی اعتمادی مردم نسبت دولت افغانستان گردیده است.
محمد حنیف اتمر، وزیر پیشین وزارت امور داخله افغانستان، که در مراسم دعاخوانی برهان الدین ربانی اشتراک نموده بود گفت کشته شدن رئیس شورای عالی صلح افغانستان بیرون از کشور طرح ریزی گردیده است.