گروه بین‌المللی بحران: پاکستان باید به توقف اخراج اجباری افغان‌ها ترغیب شود

گروه بین‌المللی بحران با نشر اعلامیه‌ای از کمیسیون اروپایی خواسته است که پاکستان را ترغیب کند تا اخراج اجباری مهاجران افغان را توقف دهد.

به دنبال درگیری اخیر میان پاکستان و هند، گزارش‌ها حاکی است که حکومت پاکستان اخراج اجباری مهاجران افغان را افزایش داده است.

در اعلامیهٔ گروه بین‌المللی بحران آمده است که با درنظرداشت بحران عمیق بشری در افغانستان، جذب شمار زیاد مهاجران برگشت داده شده، برای آن کشور دشوار خواهد بود.

گروه بین‌المللی بحران از اتحادیهٔ اروپا و کشورهای عضو آن خواسته است تا پاکستان را ترغیب کند که "به تعهدات خود به حقوق بشردوستانهٔ بین‌المللی، به شمول اصول باز نگرداندن و توقف اخراج اجباری پناهجویان افغان، بدون درنظرداشت وضعیت قانونی شان احترام بگذارد".

براساس معلومات سازمان ملل متحد، تا ماه جنوری سال ۲۰۲۵ ”بیش از ۸۱۳۳۰۰ افغان از پاکستان به افغانستان بازگشتانده شده اند“.

تخمین زده می‌شود که بین ۳.۸ تا ۴.۴ میلیون شهروند افغانستان در پاکستان زندگی می کند که بیشتر آنان فاقد اسناد قانونی می‌باشند.