لینک های دسترسی

Breaking News

الیس ویلز برای بحث روی مسایل منطقه به تاجیکستان رفت


الیس ویلز، معاون وزارت خارجه ایالات متحده امریکا در امور آسیایی جنوبی و مرکزی به تاجیکستان رفته و قرار است با مقام‌های این کشور دیدار و گفتگو کند.

خانم ویلز روز دوشنبه ششم جنوری (۱۶ جنوری) در صفحه تویترش گفته است که در این سفر دو روزه با مقام‌های تاجیکستان روی موضوعات "امنیتی و اقتصادی" بحث و گفتگو خواهد کرد.

خانم ویلز از سفرش به تاجیکستان ابراز خرسندی کرده و گفته است: "تاجیکستان یکی از شرکای ایالات متحدۀ امریکا در تقویت ثبات و رشد اقتصادی در منطقه است."

معاون وزارت خارجه ایالات متحدۀ امریکا گفته که امیدوار است در دیدارش با مقام‌های تاجیکستانی روی پیشرفت‌های مسایل مهم بحث کند.

پیش از این وزارت خارجه ایالات متحدۀ امریکا با نشر اعلامیه‌ای از سفر خانم ویلز به تاریخ ششم و هفتم ماه جنوری به این کشور خبر داده بود.

در اعلامیه وزارت خارجه امریکا تاکید شده بود که خانم الیس ویلر با مقام‌های تاجیکستانی در مورد "همکاری‌های منطقه‌ای، پروژه‌های اقتصادی، پروژهای اتصال برق و همکاری‌های مردمی میان دو کشور صحبت می‌کند.

XS
SM
MD
LG