داکتران شفاخانه‌های تداوی معتادان شهر مزارشریف، مرکز ولایت بلخ، به هدف جلوگیری از افزایش اعتیاد، معتادان را در جاده‌های شهر به درمان رایگان تشویق می‌کنند.
داکتر اسدالله غالب انصاری٬ مسوول کار ساحوی شفاخانه معتادان ولایت بلخ می‌گوید که شماری از معتادین به دلیل ضرب و شتم که در کمپ‌های ترک اعتیاد خصوصی دیده اند، حاضر به ترک اعتیاد نیستند.
داکتران با چهار شیوه معتادان را به درمان رایگان فرا می‌خوانند. مریض یابی، آگاهی‌دهی، کاهش تقاضا و کمک های اولیه از شیوه های تعقیب معتادان ازسوی داکتران در مزارشریف است.
