امامعلی رحمان، رییس جمهور تاجیکستان در انتخابات ریاست جمهوری این کشور برنده شد و برای هفت سال دیگر کشورش را رهبری خواهد کرد.
کمیسیون مرکزی انتخابات تاجیکستان گفت که بر اساس نتایج ابتدایی ۹۰.۹ در صد رای دهندگان به نفع آقای رحمان رای داده اند.
این کمیسیون گفته است که ۸۵ در صد افراد واجد شرایط در این انتخابات که روز یکشنبه ۱۱ اکتوبر برگزار شد، اشتراک کرده بودند.
با این دور جدید، مدت زمامداری آقای رحمان به بیش از ۳۰ سال خواهد رسید.
با آنهم، حکومت آقای رحمان به دلیل اقتصاد ضعیف تاجیکستان در میان تمامی جمهوریتهای اتحاد جماهیر شوروی پیشین با مشکلات بی سابقهای مواجه است.
براساس گزارشها، بیش از یک میلیون شهروند تاجیکستان در خارج از این کشور، به ویژه در روسیه مصروف کار اند.
با آنهم، رای دهندگان در شهر دوشنبه به فرانسپرس گفتند که به دلیل اینکه آقای رحمان توانسته است در بیش از ۲۰ سال گذشته امنیت و آرامش را برقرار نگهدارد، به وی رای میدهند.
جنگ داخلی تاجیکستان در سال ۱۹۹۲ آغاز شد و برای پنج سال ادامه یافت که در آن هزاران نفر کشته و صدها هزار نفر دیگر بیجا شد.