دیدار وزیران مالیهٔ امریکا و آلمان

اسکات بیسنت، وزیر مالیهٔ ایالات متحدهٔ امریکا، روز دوشنبه چهارم آگست (۱۳ اسد) با لارس کلینگ بیل، معاون صدراعظم و وزیر مالیهٔ آلمان، دیدار کرد.

وزارت مالیهٔ ایالات متحده طی یک اعلامیه، گفته است که در جریان این دیدار، اسکات بیسنت به توافق اخیر تجارتی میان ایالات متحده و اتحادیه اروپا اشاره کرد.

اعلامیه می‌افزاید: "در صحبت میان هردو طرف، وزیر مالیه، اسکات بیسنت، به توافق تجارتی رئيس جمهور ترمپ با اتحادیهٔ اروپا، اشاره کرد. بیسنت همچنین از وزیر مالیهٔ آلمان به خاطر تلاش‌های آن کشور در قبال موضوعات مالیاتی بین‌المللی سپاسگذاری کرد."

براساس این اعلامیه، وزیر مالیهٔ ایالات متحده تأکید کرد که صلح در اوکراین همچنان اولویت اصلی حکومت رئیس جمهور ترمپ می‌باشد.

در این دیدار، اسکات بیسنت از وزیر مالیهٔ آلمان خواست تا به همکاری امنیتی قوی میان واشنگتن و برلین ادامه دهد.